前立法會議員林卓廷與另外 6 名「非白衣人」，被控 2019 年 7 月 21 日在元朗站暴動，周三（15 日）在區院展開第 17 天審訊。辯方續盤問案發快速應變部隊指揮官李伯豪，問當晚 11 點收到指示後，是否用了 7 至 8 分鐘才可出發？他答稱，「當時要啲時間先出到」，追問下稱，「因為我哋軍裝都廿幾個，加埋刑事部幾十個，要啲時間一齊出發」。
控方覆問時就警方到場後被罵一事播放閉路電視片段。法官問，「有一班人睇到…圍住你哋警察，大部分人有人叫囂， 我相信係粗言穢語，你哋無圍住陣勢，前後左右保護自己安全？」李稱，「有以有限人手盡量圍住。」李在追問下稱當時「少少驚」。
另當日在站內看閉路電視的警長供稱，只見有打鬥，但「攞住咩武器完全睇唔到，雨遮木棍我係分唔到」。法官據片段問及，10 幾名白衫人士作出暴力行為時，非白衣人的人數；警長稱，「畫面睇，白衫嘅人明顯強勢好多」。案件周四續。
本案由法官陳廣池審理，控方由律政司高級檢控官程慧明代表。各被告的代表依次為：大律師黃錦娟、大律師李百秋、資深大律師潘熙、大律師鄭凱霖、大律師周慶澎、大律師黎建華、大律師曾敏怡。
指揮官稱當晚訓示後
在元朗警署候命
控方續傳召事發當晚，在大堂及月台衝突後，帶隊到元朗站的快速應變部隊指揮官李伯豪作供；李接受大律師李百秋盤問。李於盤問下供稱，他當晚對約 40 至 50 名警員作訓示，部分單位由代表出席；而訓示後，快速反應部隊在元朗警署候命，晚上 11 時前沒被指派到他處。
辯方質疑應可更快出發
李：「加埋刑事部幾十個，要啲時間一齊出發」
辯方問，李當晚 11 點收到指示後，是否用了 7 至 8 分鐘才可出發？李答稱，「當時要啲時間先出到。」辯方追問為何需時 7 至 8 分鐘，質疑「特快部隊」（應為：快速應變部隊）應該 1 至 2 分鐘到場。李答稱，「因為都有 4 隊，20 零個同事，又要着晒裝備。」在辯方多番追問下，李指，「因為我哋軍裝都廿幾個，加埋刑事部幾十個，要啲時間一齊出發，我哋一齊出唔係個別出。」
法官則指，知道辯方問題用意，警員理論上穿好裝備、坐上警車，「一叫出發就好似導彈嘭一聲飛出去」，但指快慢如何量化（衡量）可在陳詞交代。辯方則指「所以我質疑佢囉，既然設特快部隊唔係特慢。」法官遂追問證人答案是甚麼？李稱，「因為同事需要著保護裝備，同埋要時間集合出發。」
李指到場後「能力上盡量控制到個現場」
辯方問，快速應變部隊到場後，是否很快驅散破壞社會安寧人士？李則稱，「上到去睇唔到有破壞社會安寧嘅事，但見到有人走緊」，並在追問下指「能力上盡量控制個現場」。
辯方其後問，李帶同 24 至 28 名隊員到場，當時是否知悉需面對多少人？李指，不記得有否獲告知西鐵站的人數；另不記得行動室有否作出警告，可能面對暴力事件，「但記得現場好亂需要幫手」。
辯方問，李當時是否無計劃要截停或拘捕某些人士？李稱，「當時未諗過要拘捕，因為要救人先。」辯方追問，從何訊息得知要救人？李指，「上到去見到有人坐喺度喊緊，有啲救護員話要做急救。」辯方再問，「但你出發前無預到呢個場面？」李答，「唔記得咗有冇人受傷。」
控方播港鐵 CCTV 片段
向李確認被罵一事
辯方完成盤問後，控方接着覆問，指李於盤問時供稱，不記得當日元朗警區派了 102 名警員到港島支援。李澄清是指不記得人數。李又於覆問下指，當日元朗分區派出數十人到港島，主要為軍裝，動員元朗分區的警力差不多 50% 或以上。
另控方就警員到場後被人指罵一事，播放港鐵的閉路電視片段，請李確認當時的時段。畫面可見，時間為 11 時 35 分，大堂閘口附近有多名市民；李確認他當時在閘口附近位置。該片段沒有聲音。
法官着李口述形容畫面所示的情況。李指，當時不斷有人向他們指罵，而當時有受傷人士需要處理，故同事需盡量安撫他們的情緒。李又指，「佢哋嗰啲公眾人士衣著唔係白色衫嘅，當中有人向我哋指罵，目光唔係友善嗰啲嚟，因為人數愈來愈多，睇吓當時會唔會有多啲同事可以幫手。」他遂經通訊機要求增援。
官指片中一班人圍住警察
大部分人有叫囂 「相信係粗言穢語」
法官指，留意到片段一名深色衫人士，雙手向前舉動，不斷舞動雙手，問李當時有否留意？李稱無特別留意，因為大部分人有相類似動作。
法官又指，「有一班人睇到…圍住你哋警察，大部分人有人叫囂， 我相信係粗言穢語，你哋無圍住陣勢，前後左右保護自己安全？」李稱，「有以有限人手盡量圍住。」法官追問，「你當時嚟計，唔會覺得驚㗎？」李答，「都無辦法法官大人。」
法官問，「唔係無辦法…你哋唔驚咩？」李遂稱，「有少少嘅， 始終（對方）人多，又係鬧我哋，唔知會唔會有進一步行動。」法官續問，警員當時有否手持胡椒噴霧或警棍？李指，當時有持警棍，但沒有取出胡椒噴霧。
李：公眾「逼到我哋去 J 出口」
行動室指示撤退
另一片段顯示為 J 出口位置，畫面時間為 11 時 44 分。李形容畫面，「咁嗰陣公眾人士逼到我哋去 J 出口，（元朗警區）行動室叫我哋撤退，咁我哋一路喺度撤退」，並指公眾人士與他們有一段距離，指他們「好似鬧我哋」。李指，部隊撤離後繼續巡邏，未有返回警署。
駐站監察 CCTV 警長：
當晚留意有否可疑人士
控方另傳召偵緝警長 46744 盧吉相作供，他先接受林卓廷的代表大律師盤問。盧指，當晚與另一警員在站內控制室，看閉路電視片段監察，留意有否可疑人士在附近「搞事」。
盧指，據他理解，可疑人「即係當時有一個動亂時間…當時有示威嘅人會著黑色衫，見到黑衫特別留意有冇聚集，如果有我會通知 DOR （元朗警區行動室）」；他於追問下指「唔理黑衫白衫任何衫都好」，只要可疑都會留意。至於可疑行為如「聚埋一齊傾計，攞住啲咩嘢，行嚟行去次數，逗留時間有幾長」。
盧並確認，當晚 6 時接受訓示，但稱不記得詳細內容；而站內首個可疑情況是在約晚上 9 時 30 分後，「人群多咗，聚集多咗」，並有向行動室匯報，又覆述當時對方稱「我哋知道㗎啦，得啦 OK 啦」。
盧：10 時 30 分後有打鬥
「咩武器完全睇唔到」
盧續稱，第二個可疑情況約在 10 時 30 分後 ，留意到有打鬥，「因為我係透過閉路電視，見到攞住武器，有互相毆打，只係睇到啲人，攞住咩武器完全睇唔到，雨遮木棍我係分唔到」。
辯方問，盧有否在任何階段，聽到港鐵同事提及發現爭執事件？盧稱有，9 時 30 分之後，「站長有同我講過，話阿 sir 發生咗啲事，我有話我哋做緊嘢」。辯方追問，盧有否答「按程序做」？盧答，「無，絕對無」。
辯方追問，盧為何如此肯定？盧指，「我都係一個警察嚟，負責監察情況，我可以第一時間報告比 DOR（行動室） 聽，無需要叫佢同其他警察報案啦。」
盧：不知悉
曾有 3 軍裝警員到站
盧在提問下指，當晚 9 時許至 10 時許，留意到從九龍方向入元朗的人較多；至於是否有人在元朗站的出入口出現，盧指「你講人就一定有」，人數如平常一樣，「嗰陣時收工嘅人數都特別多」，追問下指留意到黑衫、白衫人士較多。
辯方問，閉路電視顯示晚上 10 時 40 分有白衫人士從 F 出口進入大堂。李稱，「有啲記憶」，但指「面前咁多閉路電視，突然留意到黑衫同白衫人士比較多，你話從邊個出入口，邊個列車入，我真係無印象。」
辯方遂問，是否有印象有人取棍或牌狀物品打人？李答，「有印象，見到有人走嚟走去，揸住啲牌互相打，咩形式點打法我真係無印象。」盧又稱，不知道港鐵曾作出求警協助，亦不知道曾有 3 名軍裝警員到站，但從閉路電視知悉有廿多名快速應變部隊警員到場。
辯方播多段 CCTV 片
盧同意畫面「白衫嘅人明顯強勢好多」
辯方另播放港鐵多段閉路電視片段，問盧有否看過畫面。其中一段時間約為 10 時 40 分，畫面拍到大堂位置，電梯下方有人群，欄杆旁有多名白衣人，有人跳閘進入付費區內。盧確認是他看到的打鬥畫面。
辯方播放另一角度片段，指白衣人似乎 10 個以上，明顯取棍，問他當時有否匯報有人取棍？盧稱沒有，因最重要是盡快報告，行動室亦無問及詳情，「擸哂架生打我係無講」。
辯方追問原因，盧稱，「佢個回覆係得得得，我哋好快會處理…趕時間千鈞一髮，點樣打法，我無可能詳細話比佢哋聽。」辯方質疑，行動室可以調動人手追捕，盧指，「佢係控制室，我唔係控制佢。」盧於追問下同意，他當時如行動室的「眼睛」，並指當時可能有報告但不記得。
法官問，閉路電視畫面顯示 10 多名白衫人士作出暴力行為，非白衣人的人數是「強弱懸殊，十個打一個，定不相伯仲」？盧稱，「畫面睇，白衫嘅人明顯強勢好多」，但指當時無印象。
盧重申當時
不只監察單一閉路電視
辯方播放 F 出口片段，時間約 10 時 48 分。盧稱，「都見」相當多白衫人士揸棍及藤條物體入大堂。辯方問，當時有否看到此畫面？盧指，「我再重複一次，控制室唔係單對一部閉路電視，係十幾部，只係見到人流喇住啲嘢走嚟走去有打鬥有武器…」
辯方亦播放 10 時 49 分的大堂片段，盧指，就閘內人及閘外人的狀況，「呢個唔覺係打鬥，係對峙。」法官指，片段可見，當時大堂內有很多人，盧稱是由九龍方向入元朗的人群，當中有不同顏色衫人士。法官關注，這批人士是在聚集而非出閘離開，盧則指當時有匯報。
辯方其後播放數段出入口片段，時間約 10 時 59 分，有多名白衣人進入站內，問盧有否匯報？盧指，「呢啲畫面見得太多」，並指「10 點半打後經常性見到呢個情況，有冇打（電話匯報）我唔記得咗。」
辯方又指，F 出口曾有人「瞓低咗」，問他有否留意？盧稱播片時才看到，當時「見到有嚿嘢瞓低咗，唔知係咪人」。
案件周四續，盧將繼續接受盤問。
7 人被控在元朗站參與暴動
被告依次為，時任立法會議員林卓廷（43 歲）及另外 6 人，包括庾家豪（35 歲）、陳永晞（37 歲）、葉鑫昇（31 歲）、鄺浩林（26 歲）、尹仲明（48 歲）及楊朗（26 歲），7 人被控一項暴動罪。
控罪指，7 人於 2019 年 7 月 21 日在港鐵元朗站大堂，及其他身分不詳的人參與暴動。
DCCC1106/2020