宏福苑大火將近一年，業主「特設銷售計劃」周一（9 日）踏入第 28 日。曾在聽證會作供的冼善卿，跟兩名女兒到場揀樓，「今次係我人生辦最後嘅大事，因為我有兩個女，我希望畀返個磚頭佢哋住，亦都係佢哋最後嘅歸宿。」
冼婆婆說，從前形容自己是「冇眼淚嘅人」，但這一年來多次落淚，哽咽說：「我連自己都對唔住，因為冇守護好個家」，很多事情只能「無可奈何」接受。
居民早前兩度上樓執拾，冼婆婆因體力不足未能上樓，她希望辦妥買樓手續後，能再有上樓機會，「會慢慢行上去，都要行，真係唔捨得，望一眼，最後喇。」
宏福苑業主「特設銷售計劃」周五（9 日）第八日揀樓。原住宏新閣的 Dorz 與嫲嫲選擇啟德啟陽苑，他稱曾經為攪珠結果可較早揀樓「開心咗一下」，「但諗諗吓其實開心嚟做乜嘢，唔會係值得開心嘅一件事」。
他形容揀樓如電影《Hunger Games》，「即係我揀嘅時候，其他未揀嘅街坊點算呢？」而揀完樓亦非鬆一口氣，「唔通我問財仔借咩講真，我突然要負咗一筆債，對前景有啲擔心囉⋯（料印花稅 10 萬元）真係求吓佢，政府可唔可以有啲恩恤情況喺度呢？」
據政府資料，截至周五累計 258 個已選或已售單位之中，啟陽苑佔近四成共 103 個，其次為粉嶺樂嶺軒，佔 65 個；第三為九龍灣盛緻苑，佔 42 個。
宏福苑業主「特設銷售計劃」周二（29 日）首日揀樓，當局安排 35 戶參與，程序中午前完成。截至晚上 8 時，計劃網站的資料顯示至少 34 個單位已選或已售。《法庭線》向房屋局查詢，其中一戶是否未有揀樓、是缺席抑或其他原因，局方晚上口頭指沒補充。
據網站資料，多數人選擇預計 2028 年落成的啟德啟陽苑。有人稱「非常之好高興」，因該處交通方便、配套成熟，料扣除出售宏福單位所得後仍需補貼數十萬元。有年屆七旬夫婦稱「要攞晒啲老本出嚟買」，感到壓力。有人料需補貼 100 多萬元，盼能減免印花稅。