47 名民主派被控「串謀顛覆國家政權」罪一案，周四（20 日）展開第 88 天審訊，何桂藍供稱，理解戴耀廷寫否決權的字句，是指權力包括否決預算案，但不一定要否決，「簡單嚟講，佢（戴）寫咗句根本乜都無講過嘢出嚟」，故認為積極抑或會運用不太重要。 何又供稱，鄒家成在新東會議上提出採「會運用」，而她聽鄒的發言後「有啲慚愧」，認為鄒從普通人或抗爭者角度，會直觀地認為「如果要做嘅話就講得 firm（確切）啲」。她承認，曾為鄒「幫口」，支持採「會運用」字眼。 何另指，新東協調過程沒見過林卓廷、楊岳橋等 4 人，對過程感奇怪，稱原以為會有機會溝通，了解各黨派對同意事項的立場。以廣東話作供的何，一度就法庭英譯與法官爭論，向官稱「May I ask you to listen carefully」，她指因控罪可囚終身，望法庭勿認定她「為拗而拗」。審訊周五續。 周四實時報道： 【實時更新】47人案｜第88日審訊 何桂藍：如預算案有不義必需否決
何桂藍：「積極」是選術術語
是「畀人彈出彈入嘅字眼」
就著戴耀廷於各區協調協議文件中的第二點提及運用否決權，據早前庭上證供，第二點為：
參與協調機制的個人或團體，認同民主派取得立法會一半議席，會積極運用（或會運用）基本法賦予立法會的權力，包括否決財政預算案，迫使特首回應五大訴求...
庭上證供亦指，新東的協調協議文件，是採用「會運用」的字眼。
何桂藍周四展開第三日作供，供稱「積極」是選舉的「 jargon（術語）」，如有意參選者會自稱「積極考慮參選」，「簡單嚟講，就係一個畀人彈出彈入嘅字眼」。
會或積極運用否決權
何稱採哪一字眼「根本不重要」
至於字句，何稱「我覺得戴耀廷喺呢件事上面，佢 genius 嘅地方唔係喺呢兩個字度，而係跟住嗰兩句…」，她續解釋，因為眾所周知《基本法》賦予立法會很多權力，而她理解戴寫上「包括否決財政預算案」，是形容包括有甚麼權力，只要有運用過立法會的權力，「你就達成到（字句）承諾嘅要求。」
何續稱，「但係個權力又唔一定係要（否決）《財政預算案》，簡單嚟講，佢（戴）寫咗句根本乜都無講過嘢出嚟。」何又說，「因為議員會運用《基本法》賦予議員嘅立法會權力，如果我無理解錯，呢句係一句 tautology（恆真，即永遠正確） 嚟嘅，有呢句嘢之後，我覺得前面係積極定係會都根本唔係太重要。」
法官李運騰追問，即何認為此句沒有意思？何稱，「喇我理解戴耀廷嘅動機，係要避 DQ。」何指，當時建制派及《文匯報》、《大公報》，好具體提到否決預算案是 DQ 理據，惟很多人包括她自己，都認為不應「咁樣（迴）避法」。
李運騰問，即何認為要面對？何稱，「係喇，而戴耀廷就用一句嘢包晒所有人嘅嘢，即係出奇蛋囉咁，滿足所有人嘅願望。」
何稱新東會議沒見黨派參選人
協調過程沒見過林卓廷、楊岳橋等 4 人
何另供述 2020 年 5 月 5 日的新東第二次協調會議情況，稱自己有留意哪個黨派人士出席。她主動提及 2018 年民主派初選，有黨派派「黨內做唔到決策嘅人」為代表開會，他們會發表意見甚至簽名，惟後期黨內「黨內有決策能力嘅人」不承認說法，而中層亦於公共領域將責任推向其他人。
何指，在第二次新東會議時，未有見到黨派參選人，直言「覺得好奇怪」。何又點名指協調過程中，「我無見過林卓廷，無見過楊岳橋，無見過陳志全，亦都無見過梁國雄」，直指「我只係同一啲我唔 sure 可以代表到佢哋嘅人去傾」，另無印象社民連陳寶瑩有否出席，稱「佢哋自己黨入面啲大佬係點樣諗，我完全無辦法去 certain」。
何稱，第二次會議上有議題沒結論，舉例稱，首次會議無人對於舉辦論壇有異議，但《國安法》後有黨派於報名階段表達不舉辦的意見。她稱，原以為有第三次會議，但最後沒再開會。
何：支持鄒家成提出採「會運用」字眼
指聽其發言後「有啲慚愧」
就會議的氣氛，何稱，「中段討論會（運用否決權）同埋積極（運用）嗰個爭拗，但係，但係都唔算係激烈囉」。她亦一度反駁趙家賢早前證供，「譬如 PW2（趙）好似話有人拍枱呀嗰啲，但係我記得係成程無人企過起身…無呢啲激烈嘅行為…」
何續稱，不少出席者有表達立場，但發言僅一兩次，其後「大家就好似係失去咗興趣咁」。她指，鄒家成、李永成「好似係拗咗 10 至 15 分鐘，但係李永成唔係選㗎囉，我都唔知佢嚟做乜嘢」。法官追問李永成以何身分出席會議，何指記得李自稱為地區人士。
何又表示，鄒家成會議上提出要用「會運用（否決權）」，而在鄒發言前，她沒有特定立場，但鄒提出意見後，自己有「好大嘅感受」。何指，雖然她為一名素人，但因為做選舉新聞多年，「都好習慣呢啲選舉 jargon（術語）嘅嘢」，故當時沒為意有問題。
何續稱，鄒家成「嚟自一個普通人，或者抗爭者嘅立場，我理解佢會好直觀咁覺得，如果要做嘅話就講得 firm（確切）啲…」，何直言，「總之聽完鄒家成講嘢之後，我係有啲慚愧嘅」，故她其後「幫口」，「我都係有講，會用『會』嘅」。
何稱若預算案審核程序涉不公義
「我都必須要否決佢」
代表何的大狀 Trevor Beel 問，按何周三口供，她是否基於無法盡職審查預算案，而會投反對票（vote against）？何稱，「我會形容係底線」。
法官陳仲衡亦問，周三何說過毋須看「實數」，只要看「基本工程儲備基金」，就可決定是否投反對。何解釋指，「譬如 2020 年差佬 OT，O 咗廿億㗎…假設我係一個立法會議員，我當然唔會話因為有『基本工程儲備基金』嘅存在，所以我就唔需要理或睇個《財政預算案》嘅內容啦。我一定會用盡每一個質詢嘅機會…將嗰份《財政預算案》所有魔鬼藏細節嗰地方…」
李運騰即打斷指，何是假設當中藏有魔鬼細節的地方？何其後答，「每個立法會議員都一定會有自己認知嘅局限，譬如好多工程界別嘅議員只會睇自己界別嘅利益，呢個世界無完美嘅《財政預算案》」。
何又指，即使遇上自己不覺有問題的預算案，「我一個人係無辦法確保到我一定睇得出財政預算案嘅所有問題，所以我一定要確保個審核機制，係所有議員都能夠盡職審議」，又指即使她看不出需修改，但如知道審核程序中有不公義之處，「我都必須要否決佢」。
何：郭榮鏗被兩辦譴責
對溫和派殺傷力比較大
Beel 另問及，區諾軒早前提到部分協調會議於 2020 年 4 月、5 月有「風向轉變」。何稱，風向轉到否決預算案，是源自時任立法會議員郭榮鏗，主持內會主席選舉，被兩辦（中聯辦、港澳辦）譴責一事。
何稱，當時民主派認為，兩辦的意思是就算按足議事規則，「佢都會話你癱瘓立法會，有可能會喺在席嘅時候被 DQ ，如果條 DQ 嘅線拉到咁低嘅話，基本上所有做過立法會議員嘅候選人都會被 DQ 㗎啦」。何又指，郭榮鏗事件前，「無一個人係諗投…係聲稱投一張反對票就會被 DQ。」
何稱，原本認為達成「35+」後，參選人會被 DQ，但郭榮鏗事件後，她認為會出現大規模 DQ，令「35+」無可能發生，惟她無立法會的往績，故認為對自己影響相對較細，指反而對溫和派的殺傷力比較大，「因為佢哋以前喺立法會都已經做咗好多兩辦譴責嘅東西」。
何又提及，建制媒體同時開始流傳，否決預算案會被 DQ ，故她認為郭榮鏗事件後，「先至令到否決預算案由一個無乜爭議嘅問題，上升為有一啲候選人好想避免嘅問題」。
與法官就用字爭論
何稱每字小心因控罪可囚終身
何桂藍作供期間，提及「在野」一詞時，就英譯字眼與李運騰起爭拗。當時法庭傳譯翻譯成「the opposite side」。李其後問，「為何民主派若取得立會過半，仍是『in opposition』」。何解釋指，因民主派仍不能做政策倡議。
李續說，但向來都是行政機關負責政策制訂。何答，「啱呀，但係人哋啲制度，個行政機關、個首長係民選㗎嘛，所以我覺得 opposition 呢個字唔係咁準確」。
李聞言指，「這已非第一次，你用了一字眼後，發覺不夠準備，而提出修改」。何提高聲量指，「唔好意思！唔好意思！我必須要澄清！」李則疊聲指「請你想清楚（may I ask u to think carefully），你說話之前，應要小心選字，準確表達」。何即搶聲答，「May I ask u to listen carefully！（也請你聽清楚！）」
李續說，「不要用艱深字眼（big words），其後又試圖修改」。何提高聲量又語調急速指，「我唔認為『在野』嘅英文 exactly 係 opposition，我反對嘅係 opposition 呢個字」。
何續大聲指，「我唔係用緊 big words，我係每一隻字都非常小心，因為我好清楚呢條罪最高可以判終身，我答錯一隻字都可以坐十幾年」。李答「我們看著辦（we’ll see）」。
何桂藍以廣東話作供
稱法庭翻譯及法官提問時用不同講法
何續說，「每一隻廣東話嘅字我都講得非常清楚，但係翻譯用咗一個講法之後，法官又用另一個講法。我頭先已經舉咗兩個例子，都係李運騰法官改咗個字。我唔係好明點解，我以為法庭係一個用字一定非常嚴謹嘅地方。如果我認為一條問題有假設嘅字眼，或者係 ambiguous （歧義）嘅話，我一定要問」。
李聞言指「你說完了嗎？（Have you finished？）」何稱，「我好憂慮而家係一個偏見囉！如果咁樣都係（被指）『為拗而拗』，我唔係好明呢個指控係咩事。」
李再說，「你說完了嗎？」何答，「我想知，from now on 我應該點作供」。李舉出提議後，何稱，「但係我想知我係咪要同時肯定翻譯係100％可以譯到晒我所講嘅嘢？」、「我唔係每一次都可以分一半嘅腦袋出嚟去做呢件事…當我選擇澄清嘅時候，我希望法官唔好有一個既定立場，就係我為拗而拗。」
李重覆，「你說完了嗎？」何未再發言，其代表大狀 Trevor Beel 繼續主問。
HCCC69/2022