身在現場 見證記錄

黎智英案|陳沛敏15日供詞整合 如何形容黎的作風?是否認同其編採政策?

黎智英案|陳沛敏15日供詞整合 如何形容黎的作風?是否認同其編採政策?

分享:

2021 年 6 月 19 日,陳沛敏被捕後,曾獲准保釋。
陳沛敏1996年加入蘋果

陳沛敏在今年 2 月 2 日開始作供,她當日蓄瀏海、及頸短髮,穿著米白色樽領恤衫及淺藍色西裝外套,戴上口罩,由懲教人員押解出庭。其丈夫、前《立場新聞》總編輯鍾沛權,連日清晨在法院外排隊輪候公眾席籌號入庭旁聽。陳以天主教形式宣誓,在助理刑事檢控專員張卓勤主問下,由自己加入《蘋果》的背景講起。

2024 年 2 月 2 日,陳沛敏丈夫、前《立場新聞》總編輯鍾沛權到庭旁聽。

陳沛敏大學主修工商管理系,曾於《資本雜誌》及《星島日報》工作,1996 年加入《蘋果》任職高級記者,晉升至副社長。陳憶述,她在 2016 年出任總編輯期間確診患癌,須接受治療,曾申請病假休息 7 個月。她其後復工,但擔心無法再承受總編的壓力,故在張劍虹安排下,出任《蘋果》副社長。

2020 年 6 月 18 日《蘋果日報》25 週年報慶。(資料相片)
黎智英處事作風?

陳沛敏形容,黎智英比較強勢、「一錘定音」,《蘋果》基本上跟從其看法行事,若黎沒有作聲,「我哋行使我哋編採自主」。她又指,即使黎有時客氣地提建議,她都會視為一個指示,形容「佢親自咁樣提出嘅話,我好難置之不理」。

辯方指,黎在 2018 年發現員工士氣低落,因此設立「飯盒會」,希望設渠道與員工溝通,收集意見,討論業務或改善報紙內容,非給予編採指示。陳稱「唔係好同意」,認為黎在討論期間會觸及新聞角度。她又指,黎於 2020 年 8 月被捕至 12 月還押期間,曾著同事「撐住」,沒表示要改變報道角度。

  1. 黎智英作風較強勢
  • 陳形容黎是老闆「一錘定音」,《蘋果》基本上跟從其看法行事,「黎生好有自己睇法,同埋喺某啲時候都比較強勢啲嘅」,又指「如果佢(黎)冇出聲,我哋行使我哋編採自主
  • 辯方指,黎於 2018 年發現員工士氣低落,希望設渠道與員工溝通,所以設立「飯盒會」,討論業務或改善報紙內容,非給予編採指示。陳稱「唔係好同意」,指黎召開「飯盒會」後,雖然曾改善飯堂服務,但亦有透過「飯盒會」講述「做生意」及時政理念,會觸及新聞角度
  1. 黎提議實為指示
  • 辯方指,黎不會要求記者怎樣做或不做,只提出建議,陳稱「有時我會覺得係一個指示」,並指「佢親自提出,我好難置之不理」,但同意黎會禮貌地詢問,「我們可以這樣做嗎?」、「這樣做適合嗎?」,亦試過說「你哋決定」
  • 陳指黎於 2020 年被捕至還押期間,曾著同事「撐住」,沒表示要改變《蘋果》編採政策。辯方引陳文章指,黎曾稱「我會撐住,但我唔會叫出面啲人撐住」,陳指當時正值「47 人案」,她理解「出面啲人」是指政界或社運界朋友
2023 年 7 月 28 日,黎智英正於赤柱監獄就欺詐案服刑。(相片提供:ASSOCIATED PRESS)
訂閱《法庭線》支持繼續報道
黎如何影響《蘋果》編採政策?

陳沛敏指,黎支持香港發展民主,2014 年「喺社會運動企得前咗」,至 2019 年政府建議修訂《逃犯條例》,黎「支持抗爭、反對修例」。而她雖然認同民主、自由等基本價值,惟並非每次都認同黎的做法和路線。

她又確認,是按黎指示「做大」陳方安生晤美國時任副總統彭斯新聞,頭版報道標題亦有考慮黎意見。陳沛敏又提到,黎認同「和勇不分」,七一立法會事件後,曾指示多提及年輕人心聲爭取諒解。至《國安法》實施後,黎曾提議《蘋果》估計制裁名單,但她認為不可行。

  1. 就反修例運動
  • 陳確認黎曾轉發陳方安生晤彭斯的相片,稱要用這新聞「做到最大效果」,而她最後決定放頭版,除了相片有新聞價值,「當然黎生佢話做大都係一個因素」
  • 陳指黎就林榮基到台灣一事,「清晨時候發咗幾十個訊息畀我」,最後她除了考慮報道的新聞價值、提供相片的人要求相片在頭版、亦因張劍虹「好緊張呢單新聞」,當時有份採訪林榮基及撰寫報道,最終決定放在頭版
  • 政府 2019 年 6 月暫緩修例後,黎「覺得林鄭淨係暫緩推行條例,只係一個策略,即係要撤回先可以達到嗰個目的」,故《蘋果》翌日在頭版呼籲 6.16「明天照上街」,陳確認標題有考慮黎意見
  • 黎認同「和勇不分」,七一立法會事件後,黎稱年輕人衝立法會令他心情沉重,要求多提年輕人心聲,爭取市民諒解和支持
  • 陳指黎曾指示「警暴」新聞要做得深入,作供期間提及 8.31 太子站事件,《蘋果》是以「質疑警方當晚有冇使用過份武力」的角度報道,並確認方向與黎看法有關,因黎覺得「警暴」違反公義,「而當晚好多短片都影到警方嗰日喺車廂入面,有啲市民被打得好犀利,所以我哋用咗 A1 報道呢件事」
《蘋果日報》頭版報道前政務司司長陳方安生與美國時任副總統彭斯會面。
2019 年 6 月 15 日,《蘋果》頭版標題為「惡法擬暫緩但不撤 遊行前夕 林鄭緩兵 明天照上街」。
  1. 就疫情
  1. 就《國安法》
  • 黎認為《國安法》內容,「比佢原本想像嘅更加大鑊」,而《蘋果》報道反映對《國安法》的擔心、對法治人權的影響
  • 黎於 2020 年 5 月曾轉發英國保守黨人權委員會副主席羅傑斯的文章〈羅哲斯:最可怕的母親節〉,趕急要求她回覆處理方式,她最終以報道方式處理。法官杜麗冰追問,若非黎將文章交給她,她不會以此方式刊出?陳稱「可以咁講」
  • 陳指黎曾提議「不如你哋整個 shit list(討厭名單)⋯我理解係整制裁名單」。她曾與同事討論是否可實行,但認為「好似黎生咁講整個制裁名單,係好難做到,喺新聞度做到呢樣嘢」
  • 辯方指,《蘋果》文章批判《國安法》,是反映黎擔心削弱新聞自由,而他是盡其所能,包括建議透過國際制裁,阻止《國安法》通過,而在《國安法》生效前,並無法例禁止呼籲國際制裁,陳一概同意,又確認未曾聽過黎提倡「港獨」
蘋果大樓內部(資料相片)
黎如何推動「國際壓力」?

陳另確認,黎欲透過《蘋果》英文版「打國際線」,認為若《蘋果》受打壓,會令美國社會支持《蘋果》,從而對政府有壓力。陳又指,不同意黎以《蘋果》名義推「一人一信救香港」,曾轉發黃之鋒的批評,黎回覆「對付中共沒其他辦法」。在《國安法》生效後,她認為黎仍覺得「國際壓力有用」,包括制裁,繼續邀請外國嘉賓對談。陳與同事曾透過張劍虹向黎反映憂慮,惟黎堅持主持節目。

  1. 《蘋果》英文版
  • 專欄作家馮晞乾於 2020 年撰文,提議《蘋果》增設英文版打破壟斷,並確認黎欲藉英文版「打國際線」,認為對《蘋果》有保護作用
  • 黎認為若《蘋果》受打壓,會令美國社會支持《蘋果》,從而對政府有壓力,「可能由言論譴責呢啲打壓,或者採取啲行動去制裁嗰類」
  • 陳指英文版專注《蘋果》觀點,即「偏黃」、毋須平衡,而黎著重中美關係、中國與國際社會,牽引國際社會關心的議題,又指英文版會以較批判方式報道中國新聞
  • 陳指黎曾批評《蘋果》國際版較批判特朗普,但對拜登及其家人的醜聞「唔夠做得大」,及後國際版同事都感到壓力,在處理特朗普和拜登的新聞上,「可能個比重會因應黎生要求調整返,但我哋係跟返個新聞原則做」
《蘋果日報》於 2020 年推英文版新聞。
  1. 一人一信救香港」行動
  • 陳不同意以《蘋果》名義推「一人一信救香港」行動,曾表達「唔係好適合咁做」,惟黎表現堅定,「我有提過既然係咁,點解黎生唔用個人名義去做呢?即係你可以用你個人名義,你喺《蘋果日報》頭版買個廣告,而唔係用《蘋果日報》名義,好似發起呢個一人一信咁」,但黎覺得「佢個方法先有用」,令「特朗普關注呢件事」
  • 陳曾向黎轉發黃之鋒在 FB 的批評,內容提及「睇到都嚇咗一跳⋯問題在於完全唔符合爭取跨黨派,即 bipartisan 支持嘅準則」。黎回覆指不同意黃的看法,並指在緊急時候,「唯一的辦法就是勇敢!現在對付中共已經沒有其他辦法了」
《蘋果》於 2020 年推「一人一信救香港」行動,呼籲市民寫信給時任美國總統特朗普。
  1. 節目「Live Chat with Jimmy Lai」
  • 《國安法》生效後,黎仍覺得「國際壓力有用」,包括制裁,繼續邀請外國嘉賓對談,當時她和同事見黎繼續主持節目「有少少驚訝」,甚至曾徵詢公司律師意見,陳亦向張劍虹提出意見,張再向黎反映同事憂慮,惟黎繼續做節目
張劍虹確認「Live Chat with Jimmy Lai」節目,曾邀請多位美國高官訪談。
《蘋果日報》最後階段

陳沛敏在辯方盤問下確認,在黎被起訴前,她不認為《蘋果》有違反《國安法》,提到 2020 年 8 月黎被捕時,雖然警方有搜查報館,但當時說法「唔係針對新聞材料」,所以據其認知,「以為係同新聞報道冇關係」。

直至 2021 年她與其他管理層被捕,陳沛敏覺得《蘋果》應該結束,「因為我唔能夠擔保同事,繼續做落去係咪唔會俾人拉」。她獲釋後亦向公司請辭,惟「公司當時入面好混亂」,至《蘋果》停運當日仍未生效。

陳沛敏於 2021 年 6 月17 日被捕,隨後獲警方批准保釋。
2023 年 6 月 23 日,林文宗、陳沛敏於蘋果大樓內。
  1. 陳授意刊「我們不認命」聲明
  • 在黎 2020 年被捕及被控後,陳兩度授意刊出頭版「堅持崗位」、「我們不會認命」聲明,解釋「因為黎生被還押咗之後,好多人都諗緊《蘋果日報》會唔會繼續做落去,我覺得要一個表態」
  • 陳確認在黎被起訴前,她不認為《蘋果》有違反《國安法》,指警方雖然曾搜查報館,但當時說法「唔係針對新聞材料」,涉案人物如李宇軒亦與《蘋果》無關;而在《國安法》後,《蘋果》有採取行動避免違法,包括謹慎用字、下架黎部分文章
2020 年 12 月 4 日《蘋果》頭版報道。
  1. 被捕後覺得《蘋果》應結束
  • 陳於 2021 年 6 月被捕後,覺得《蘋果》應該要結束,「因為我唔能夠擔保同事,繼續做落去係咪唔會俾人拉」
  • 她獲釋後向公司請辭,惟「公司當時入面好混亂」,至《蘋果》停運當日仍未生效,因此有份批准最後一期《蘋果》刊印 100 萬份,「其實我當時覺得自己身分有啲尷尬,我提出咗辭職,又返緊去執緊嘢,啲同事同我講(印 100 萬份),我咪話 ok 呀,幾好呀 100 萬份」
2021 年 6 月 24 日,最後一份《蘋果日報》刊印 100 萬份。(資料相片)
最後一份《蘋果日報》(資料相片)

陳沛敏在 3 月 1 日完成作供,法官杜麗冰向她稱「你已完成證供」,陳點頭示意,離開時未有望向黎智英,以及坐在旁聽席的丈夫鍾沛權。

HCCC51/2022
焦點
最新文章
最新專題影片

HK$180 歡迎自由定價!

同時推出兩套自家出品Postcard
新書《公民司法認知》即日起公開發售!

售價:HK$180(歡迎自由定價)
同時推出兩套自家出品Postcard(每套四款);每套售價:HK$60