宏福苑大火聽證會周五（20 日）踏入第二日，針對圍標問題，獨立委員會首席大律師杜淦堃指，承建商之間長期存在廣泛而有系統性做法，影響招標結果，而宏業董事侯華健，被揭與宏福苑大維修另外 5 間入標公司有關連，惟沒有申報，「有令人擔憂嘅地方」。宏業兩名董事包括侯華健拒絕出席聽證會，僅提供證人陳述書。
此外，杜指理應獨立的工程顧問鴻毅，以低於市場價格中標，而董事黃俠然涉嫌在回標報告修改宏業的定罪紀錄，使其評分最高，最後中標。居民曾就圍標等問題多番投訴，但民政、屋宇署、市建局均不受理，更有部門稱轉交法團管委會跟進。
相關報道：
杜淦堃：宏業堅持用發泡膠板封窗 後樓梯「生口」違規
居民離場庭外落淚：「宏福苑只係話畀你知，香港係有問題」
【影片】宏福苑聽證會 法團主席徐滿柑：大家都好愛呢個家 居民：圍標好像已是慣例
宏福苑大火聽證會周五（20 日）進行第二日聆訊，代表獨委會的資深大律師杜淦堃完成陳詞後，由最後一任宏福苑法團主席徐滿柑親自陳詞。徐語帶哽咽、陳詞時稍作停頓，散會後徐表示自己情緒激動，因為「始終都係災民，大家都係好愛呢個家⋯⋯如果同居民講嘅，我淨係想佢哋可以安居樂業。」 居於宏昌閣的鄧先生亦認為，普遍法團管委會未必有能力處理大維修工程，即使是推翻了舊法團、推翻天價維修工程，再重新招標，也難避圍標，「即圍標呢個問題，好似喺香港建築界已經係慣例咁樣」，揭露後亦難以起訴或檢控，對事件感到無力。 同樣居於宏昌閣的張女士，聽畢聽證會後在場外飲泣，指「屋企被人燒咗，呢幾個月嘅苦難，點解會咁樣？我哋好辛苦，我哋亦都好難過，但我哋乜都做唔到，可以點？我都希望政府畀返個交代我哋。」張指，居民早已察覺問題，但每每提出後，都無人回應、無人負責，「再咁樣落去，仲會有其他嘅事情一路會發生⋯⋯宏福苑只係話畀大家知，香港有問題。」 相關報道：宏福苑大火聽證會 杜淦堃：宏業堅持用發泡膠板封窗 後樓梯「生口」違規宏福苑大火聽證會｜杜淦堃：宏業董事與5入標公司有關連 鴻毅疑篡改回標報告宏福苑大火聽證會 居民離場落淚：「宏福苑只係話畀你知，香港係有問題」
