前立法會議員林卓廷與另外 6 名「非白衣人」，被控參與 721 元朗站暴動，周三（20 日）在區院展開第 33 天審訊，次被告庾家豪續作供，完成主問，並接受控方盤問。
控方問及，庾曾供稱閘內「大家保護大家」，即「唔會自己一個對抗」？庾稱，「當時有我女朋友，有老弱婦孺…我唔可以轉身跑」；他不同意當時是「對抗」，「你話係咪有共同目的，因為我哋都係受害者，需要大家保護大家」，另亦不同意閘內人是「群體共同行動」。
控方引片段，指庾向閘外白衣人說「嚟啦，Come On」時表情「擘大眼」、眉毛似挑起，庾指其表情「一定唔係平時傾計狀態…唔會係一個好怕事嘅樣」。案件周四續。
周二報道：
7.21非白衣人案｜次被告解釋向白衣人招手 另指有救護員曾遭白衣人襲擊
前立法會議員林卓廷與另外 6 名「非白衣人」，被控參與 721 元朗站暴動，周二（19 日）在區院展開第 32 天審訊，次被告庾家豪開始作供。庾供稱，當日參加民陣主辦的遊行後，與當時女友欲到元朗食糖水。
他指在大堂付費區內看到血跡、斷棍，林卓廷向在場市民稱「出面仲有好多黑社會喺度」。庾指，當時有白衣人手持棍或藤條，指住其方向稱「出嚟啦」等說話，故他曾稱「過嚟啦，come on」，解釋指「唔可以畀佢（白衣人）知我驚，唔可以縮」。
庾稱，白衣人其後在閘外施襲，他確認曾協助他人持喉向閘外射水，「拉一拉射打緊人嘅人」。庾又稱，曾有救護員欲走前，被閘外白衣人上前襲擊，「嗰班白衣人痴晒線，係咁打個救護員，真係完全離曬譜」，形容「根本無差別係咁打」。案件周三續。
周一報道：
7.21非白衣人案｜控方盤問指黃偉賢不留在元朗圖置身事外 受襲廚師首出庭作供
前立法會議員林卓廷與另外 6 名「非白衣人」，被控參與 721 元朗站暴動，周一（18 日）在區院展開第 31 天審訊，林一方傳召時任當區區議員黃偉賢。
控方盤問時指出案情，指黃無盡力入元朗，任由事情發酵；且故意不留在元朗，令自己置身事外等。黃稱不同意，「好似講到我同聚集嘅白衣人有聯繫」、「真係本末倒置，警方應該要採取一啲執法行動，而無做到呢方面嘅工作，反而話我無盡力入去制止件事發生，我絕不同意。」
另林一方傳召當日被襲的蘇姓廚師，為他首次出庭作供。其供詞提及，下班前往元朗市中心期間，看到約 30 至 40 名穿白衫人士，遂自言自語稱「真係好多白衫人」，隨即有 6 至 7 名白衣人稱「你講咩嘢白衫人？你講乜嘢？你係乜嘢人？」其後被人用棍狀物襲擊，他遂雙手護頭，及解釋自己剛收工。林卓廷一方傳畢證人，周二（19 日）料展開次被告案情。
上周五報道：
7.21非白衣人案｜黃偉賢稱721前通知警長「鄉事吹大雞」 感對方「幾胸有成竹」
前立法會議員林卓廷與另外 6 名「非白衣人」，被控參與 721 元朗站暴動，周五（15 日）在區院展開第 30 天審訊。林完成合共 8 天作供後，辯方傳召時任區議員黃偉賢作供。
黃供稱，7 月 19 日有廈村村民告知「收到風，鄉事吹大雞」，黃理解為「條條鄉都要動員出人，準備 21 號有人入嚟元朗，會做一啲驅趕行動」。黃指，致電警民關係鄧警長時，「佢好平靜…佢覆我話有部署得㗎啦有安排」，又指鄧「一啲驚訝都無，幾胸有成竹」。
按庭上早前證供，鄧確認自己是元朗原居民、現為廈村鄉其中一村長。另黃提及，當晚到達元朗曾問防暴警察「做咩咁遲先嚟」，隨即被壓向一邊鐵絲網，「幾乎抖唔到氣」；並看到 3 名白衣人大聲稱「阿 sir 我哋支持你架！有咩幫手出聲，我哋依家過嚟打佢哋！」案件周一續。
周四報道：
7.21非白衣人案｜林卓廷指當晚多人看直播信有人報警 官問開唔開心
前立法會議員林卓廷與另外 6 名「非白衣人」，被控參與 721 元朗站暴動，周四（14 日）在區院展開第 29 天審訊。控方質疑林到場後為何不再報警，林重申因分身不暇，又指同事告知有幾十萬人看直播，相信有人報警。
法官陳廣池問林，「你開唔開心呀？」林稱，「我唔開心呀，呢件事唔應該發生，俾人打到個嘴穿晒流緊血，有咩咁開心呀？」官澄清再問，「唔係問睇到你俾人打都開心，係問你開唔開心有幾十萬人睇直播」。林答稱「我一啲都唔開心，發生啲咁嘅事多人睇，點解開心呀？」
林另承認，曾隨他人叫過「香港人加油」口號，其後覺不適合，並想起或有人「造文章」所以停止。控方又質疑林曾稱閘內人為「兄弟」，而「白衣人技術上都叫市民，你有冇叫兄弟唔好打？」林稱，「點會叫佢兄弟？佢打緊我，會唔會太過荒謬？」審訊周五續。
周三報道：
7.21非白衣人案｜控方問白衣人是否選擇性襲擊 引何桂藍為例指拍攝「可能挑釁咗」
前立法會議員林卓廷與另外 6 名「非白衣人」，被控參與 721 元朗站暴動，周三（13 日）在區院展開第 28 天審訊，控方盤問時舉何桂藍為例，指「佢影佢哋可能係挑釁咗？」問林是否同意白衣人「選擇性襲擊」。林稱「我根本唔知佢哋有咩準則打人，更加唔同意影佢就係挑釁。」
控方另問，林有否嘗試與白衣人商討、和談，如稱「大家冷靜啲，市民都係想返屋企」。林一度稱，「我講呢啲說話會唔會太天真」，「人哋粗口爛舌，一路鬧緊你…如果對方好似檢控官閣下你咁斯文，咁就好傾啦。」
控方指，林到場後「號召」其他人留在付費區內，與閘外白衣人對峙；林稱「完全唔同意」。控方又指，林根本無意平息事件，相反「挑撥」閘內、閘外人敵意，破壞社會安寧，完全置現場市民安危不顧。林答稱「呢個指鹿為馬，我絕不能同意。」案件周四續。
周二報道：
7.21非白衣人案｜否認入元朗挑事端以攻擊警方 林卓廷：我點知佢咁耐唔嚟啫
前立法會議員林卓廷與另外 6 名「非白衣人」，被控參與 721 元朗站暴動，周二（12 日）在區院展開第 27 天審訊，控方開始盤問林，質疑他當日關注港島中聯辦的情況，卻選擇去元朗。林解釋，當時中西區已有很多媒體及立會議員，「反而元朗我認知係無人理」。
控方指，林是見到港島區動用大量警力，故選擇去相距甚遠的元朗「挑起事端」，目的令警員疲於奔命，藉此攻擊警方辦事不力，又指其目的是「火上加油」，不是保護市民。林一概否認，並指「完全唔同意！我點知佢（警方）咁耐唔嚟啫，我邊有水晶球！」
法官陳廣池曾打斷控方有關原居民、「保衛家園」的提問，指邏輯有錯及不恰當，控方撤回其中一條問題。案件周三續。
周一報道：
7.21非白衣人案｜林卓廷：在車廂內被林觀良等白衣人追打 嘴傷需縫16或18針
元朗 7.21 襲擊 4 名「白衣人」被落案起訴暴動等罪，當中 3 人周二（12 日）在區院應訊，一人稱擬不認罪，其代表大狀稱或待同案擬認罪被告聆訊後，再看會否更改答辯意向；法官高勁修提醒，屆時或影響認罪扣減，大狀稱保留現時擬不認罪答辯。
另外兩被告則稱，需時索法律意見，一人指或涉與控方認罪商討。法官押後至 4 月 11 日再訊，一人續准擔保，另外兩人沒保釋申請，繼續還押。
前立法會議員林卓廷與另外 6 名「非白衣人」，被控參與 721 元朗站暴動，周一（11 日）在區院展開第 26 天審訊，林完成 3 日的辯方主問。辯方續播放林 Facebook 的直播片段，顯示他在車廂中受襲的情況。
林供稱，當時林觀良曾於車廂內持棍指罵及追打他，而對方「一開頭由上到下咁打嘅，我把遮一路擋，都扑中個頭，但卸咁啲力，有一下我把遮俾佢打到飛脫咗」，其後對方將棍「打直捅向我」，另有其他白衣人在後面側面施襲，「俾佢哋打到個人都有啲暈」。林指其嘴受傷事後需縫「唔知 16 定 18 支針」。
林重申，當時深信警方「好快到，佢哋一到就安全」，指「我點可以自己走咗去，畀啲市民俾黑社會咁打法，呢個我覺得道德上絕對唔能夠接受呢一件事嚟㗎嘛。」案件周二續，林將接受控方盤問。《法庭線》並整理林連日主問下作供，解釋過的現場發言（見內文表）。
上周四報道：
7.21非白衣人案｜林卓廷：不離開因欲保護市民 「點可以喺佢哋危難之中走咗去？」
